Xoel, Matilde, Diana e Carlos van de campamento a unha aldea preto de Triacastela. As vacacións preséntanse aburridísimas porque teñen prohibidos os videoxogos e as cartas do seu xogo favorito. Mais, coma sempre, erran de cheo. Sonche ben expertos en meterse en sarillos... A visita ao xacemento arqueolóxico de Cova Eirós serviralles de porta de entrada ao Pleistoceno! Desta volta, a súa principal ameaza será unha nena neandertal, rebuldeira e divertida, coa que deberán facer boas migas se queren sobrevivir nun mundo tan hostil como fermoso.